Теңіз қауіпсіздігі жөніндегі сарапшы АҚШ-тың Ормұз бұғазындағы операцияларын өте қауіпті және шиеленісті арттырушы деп сипаттады.
Еуразия Тудейдің хабарлауы бойынша Chatham House халықаралық қауіпсіздік бағдарламасының зерттеушісі Нитья Лаб BBC-ге берген сұхбатында: «Қазір болып жатқан оқиғалар өте шиеленісті. Бұл АҚШ-тың бұғазды қайта ашу шарттары туралы келіссөз жүргізуге ниеті жоқ екенін көрсетеді.
АҚШ кемелердің қатынауын жалғастырудың жалғыз жолы Иран тарапынан күш қолдану немесе шабуыл жасау қаупі бар жағдайда қозғалу екенін қабылдады.
Сарапшының айтуынша, тіпті Дональд Трамптың «Бостандық жобасы» кейбір кемелерді бұғаздан алып шыға алса да, бұл әрекет ең жақсы жағдайда уақытша жеңілдік қана болады. Ал осы маңызды су жолын тұрақты түрде қайта ашу үшін бұдан да ауқымды күш-жігер қажет.
Айта кетейік, Дональд Трамп әкімшілігі 2026 жылдың мамыр айының төрті күні Ормұз бұғазын ашу және Иранның әскери-теңіз блокадасы кезінде қалып қойған үшінші елдің сауда кемелерінің Ормұз бұғазы арқылы өтуін қауіпсіз өтуін қамтамасыз етуге бағытталған «Бостандық жобасы» (Project Freedom) атты әскери миссиясын жариялады.
Трамп оны Таяу шығыс елдері мен Иран үшін «гуманитарлық қимыл» деп атаған жобасы туралы өзінің Truth Social әлеуметтік желісінде жазып, Таяу Шығыстағы қақтығысқа қатыспаған елдердің Америка Құрама Штаттарынан кемелерін құтқаруды сұрағаны туралы уәж айтып: «Иранның, Таяу Шығыстың және Америка Құрама Штаттарының игілігі үшін біз бұл елдерге кемелерін осы жабық су жолынан қауіпсіз түрде шығаратынымызға сендірдік, сонда олар өз операцияларын еркін және тиімді жалғастыра алады», — деді.
CENTCOM-ның мәліметі бойынша АҚШ-тың «Бостандық жобасына» 100-ден астам құрлық және теңіз негізіндегі ұшақтар, көп доменді пилотсыз платформалар және 15 000 әскери қызметші қатысады.
Әл-Жазира агенттігінің мәліметі бойынша АҚШ әскери күштері Ормұз бұғазын ашу бойынша АҚШ операциясы «Бостандық жобасы» кезінде коммерциялық кеме қатынасына кедергі келтіруге тырысқан ирандық алты шағын қайықты суға батырғанын мәлімдеді. Иран бұл хабарламаларды жоққа шығарды.












