Мемлекет басшысы Қасым-Жомарт Тоқаев Ұлыбритания Сыртқы істер министрі Дэвид Кэмеронды қабылдады.
Еуразия Тудейдің Ақорданың баспасөз қызметіне сілтеме жасап хабарлауы бойынша, Қасым-Жомарт Тоқаев Дэвид Кэмеронмен кездесуінде оның Қазақстанға сапарының мәні зор екенін атап өтті.
Мемлекет басшысы екі ел арасындағы өзара тиімді ынтымақтастықтың қарқынды дамып келе жатқанына қанағаттанарлық білдірді. Тоқаев Дэвид Кэмеронның сапары барысында стратегиялық серіктестік және ынтымақтастық туралы келісімге қол қойылғанын айрықша атап өтіп: «Бұл жан-жақты құжат біздің сан қырлы байланысымызды кеңейту үшін берік негіз қалайтынына сенімдімін», – деді.
Тараптар саяси, сауда-экономикалық, инвестициялық ықпалдастықты, соның ішінде энергетика, «жасыл» экономика, қаржы, инновация және мәдени-гуманитарлық салалардағы екіжақты ынтымақтастық мәселелерін, сондай-ақ өзекті өңірлік және халықаралық тақырыптарды талқылады.
Дэвид Кэмерон Ұлыбритания Премьер-министрі ретінде Қазақстанға алғашқы сапарын еске ала, қонақжайлығы үшін Қасым-Жомарт Тоқаевқа ризашылығын білдірді.
Ұлыбритания Сыртқы істер министрі Дэвид Кэмеронның Қазақстанға сапары 24-25 сәуір күндеріне жоспарланған.
Ұлыбритания СІМ басшысы Орталық Азияға сапарын 22 сәуір күні Тәжікстаннан бастады. Кэмерон осы елге сапарында Тәжікстан президенті және Сыртқы істер министрімен кездесті.
Осы күні Дэвид Кэмерон Қырғызстан астанасына барды. 23 сәуір күні Дэвид Кэмерон Өзбекстанда болды.



















