Рамазан айының соңғы жұмасы — Дүниежүзілік Құдс күні.
Иранда Дүниежүзілік Құдс күніне арналған шерулер бүгін, 5 сәуір күні таңертең басталды. Осы күні Иранның түкпір-түкпірінде халық зұлымдыққа қарсы ұрандар айтып, езілген Палестина халқына қолдау білдіреді.
1982 жылдан бері Иранда Құдс күнгі шерулер жыл сайын өтіп келеді. Биылғы жылғы «Әл-Ақса дауылынан әл-Ахрар дауылына дейінгі Құдс күні» деген ұранмен өтіп жатқан шерулерде ирандықтар Иран мен Палестинаның жалауларымен қатар, жуырда Израильдің Сириядағы Иран консулдығына жасаған шабуылы кезінде қаза тапқан офицерлердің суреттерін де алып шықты. Құдс күнінде олардың сүйектері туған қалаларына жеткізіліп, жер қойнына тапсырылады.


















Discussion about this post