Ресей Сыртқы істер министрі Сергей Лавров Бейжің қаласына ресми сапармен келді.
Евразия Тудейдің хабарауынша, Ресей Сыртқы істер министрі Сергей Лавровтың Қытайға сапары туралы ведомствоның Телеграм-каналында жарияланды.
Сергей Лавровтың Бейжің қаласына сапары 9 сәуірге дейін жалғасады. Лавровтың Бейжің қаласында әріптесі Ван И-мен кездесуі жоспарланған.
Тараптар келіссөздер барысында Украина дағдарысы және Азия-Тынық мұхиты аймағындағы жағдай туралы пікір алмасады.
Сондай-ақ, екі ел СІМ басшылары өңірлік тақырыптағы өзара іс-қимыл мәселелерін талқылайды деп күтілуде.
Лавров Бейжіңге соңғы рет 2023 жылғы қазан айында «Бір белдеу, бір жол» ІІІ халықаралық форумы өткен кезде барды. 2023 жылғы мамыр айында Сергей Лавров Мәскеуде Қытайдың арнайы өкілі Ли Хуэймен кездесті.
Сол сәтте Ресей СІМ басшысы Қытайға Украинадағы қақтығыс бойынша салмақты ұстанымы үшін ризашылығын білдіріп, Бейжің ұмтылысын жоғары бағалаған болатын.


















