Сирия Президентінің әкімшілігі шетелдік ақпарат құралдарының осы ел Президенті Башар Асадтың елден кеткені туралы қауесеттерін теріске шығарып, оның Дамаскте екенін қуаттады.
Еуразия Тудейдің Сирия Президенті әкімшілігінің мәлімдемесіне сілтеме жасап хабарлауы бойынша Сирия Президентінің әкімшілігі мәлімдеме жариялап, Президент Башар Асадтың елден кеткені және оның басқа елдерге барғаны туралы хабарларды жоққа шығарды.
Сирия Президенті әкімшілігінің мәлімдемесінде: «Президент әкімшілігі қауесеттердің барлығын теріске шығарады. Бұл қауесеттер соны емес. Мұның алдында да осы ақпарат құралдары осындай тәсілмен соғыс жылдары Сирия қоғамы мен елді алдап, ықпал ету үшін талпыныс жасаған», — деп жазылған.
Мәлімдемеде сонымен қатар Башар Асадтың Дамаскте өз міндеттерін атқарып отырғаны айтылған.
Айта кетейік, The Wall Street Journal басылымының хабарлауынша, өткен аптада Башар Асадтың әйелі Асма Асад пен балалары Ресейге барған.












