Ансаролла қозғалысының жетекшісі Сейед Абулмалек Бадраддин әл-Хоуси сионистік режимнің Сомалилендті тануының мақсатын бүкіл аймаққа қатер төндіру деп атады.
Әл-Хоуси Израильдің Сомалиленд дарбазасынан Йемен мен Қызыл теңіз және бүкіл аймаққа қатер төндіруді көздейтінін айтып, Израильдің басқыншылығы мен сепаратизміне қарсы араб-ислам елдерінің қатаң шара қолдануы қажеттігін қуатап, Йеменнің Сомали халқының қасында бар күшімен тұрғанын мәлімдеді.
Ансаролла қозғалысының жетекшісі Сейед Абулмалек Бадраддин әл-Хоуси кеше түнде сөйлеген сөзінде сионистік режимнің Сомалиленд сепаратистік аймағын сионистік режимнің ресми тану әрекетіне реакция білдіріп, сионист дұшпанның Сомалилендті тәуелсіз құрылым ретінде ресми тануын жариялауын Сомали мемлекеті мен Африка кеңістігін нысанаға алып, Йемен мен Қызыл теңіз және соның екі жағалауында орналасқан елдерге қатер төндіретін қастық ұстаным деп атады.
Ансаролла қозғалысының жетекшісі осы мәлімдемесінде: «Сионистік режимнің Сомалиде өзіне орын дайындап, аймақты нысанаға алу мақсатында жасаған осы басқыншылық әрекеті аймақ елдерін бөлшектеу үшін құрған жоспары аясында жүзеге асырылуда. Бұл тек Сомалимен шектелмейтін, керісінше Таяу Шығысты өзгерту мақсатындағы жоспар. Сондықтан бүкіл ислам үмбеті бар күшімен оған қарсу тұруы керек.
Сионистік режимнің бұл әрекеті негізінен іске жарамады. Бұл ешқандай заңды және құқықтық тұрғыдан құны жоқ, қастандық мақсатында жүзеге асырылған басқыншылық әрекет; бұл тіпті өзінің заңдылығы жоқ, соған қарамастан басқаларды заңдастыруға тырыспақ болып жүрген басқыншы құрылымның дұшпандық мақсатта жүзеге асырған агрессивті әрекеті.
Басқыншы режим кейбір партиялар және елдермен тану мен ынтымақтастық аясын кеңейтуге және Сомалиленд аймағын Сомали елі мен Африка елдеріне, Йеменге және барлық араб елдеріне қарсы дұшпандық қозғалыстарының базасына айналдыруға тырысады. Бұл әрекет Қызыл теңіз бен Аден шығанағының қауіпсіздігіне қауіп төндіреді. Бұл режим Сомалидегідей басқа елдерді де ыдыратуға тырысады.
Сол себепті сионист жаудың жоспарларын бұзып, осы режимнің серіктестері болып табылатын сатқындарға қысым жасап, Сомали мен оның халқын қолдау үшін араб-ислам елдері берік және байыпты ұстаным қабылдауы керек. Сомалиді қолдау үшін халықаралық деңгейде және әлемдік институттар тарапынан да берік ұстанымдар қабылдануы керек» деді.












