Иран президенті Сейед Ибрахим Раиси мен Түркия президенті Режеп Тайып Ердоғанның Анкарадағы кездесуі екі елдің сыртқы істер министрлері Нью-Йорктен Газа мәселесі бойынша отырыстан оралғаннан кейін өтетін болды.
Иран мен Түркия президенттері қарашаның 26, жексенбі күні кешке телефон арқылы сұхбаттасқанда Анкарадағы кездесудің уақыты туралы келісімге келді.
Иран Сыртқы істер министрі жуырда Анкараға сапары кезінде Хакан Фиданмен өткізген бірлескен баспасөз мәслихатында Раисидің жақын арада Ердоғанның ресми шақыруымен Анкараға баратынын және жақын болашақта екі ел арасындағы ынтымақтастық жөніндегі бірлескен жоғары комиссияны өткізетіндерін айтты.
Айта кетейік, Иран президенті Ибраһим Раиси қарашаның 28-і күні Түркияға баратын болған. Бұл туралы Түркия Президенті қарашаның 11-і күні Эр-Риядағы кездесуден еліне қайтып бара жатқанда журналистердің алдында сөйлеген кезде айтты.
Түркияның жергілікті БАҚ мәліметтері бойынша сапар барысында екі елдің президенттері кездесіп, Газадағы жағдайды талқылап, соған қатысты ортақ ұстаным қабылдайды деп күтілген.
Алайда Түркия президентінің кеңсесі кеше Иран Ислам Республикасының президенті Ибраһим Раисидің Анкараға келмейтінін хабарлап, себептерінің егжей-тегжейіне тоқталмады.



















