Каирде өткен келіссөздер барысында палестиналық Фатх және Хамас қозғалыстарының делегациялары Газа секторын басқаруға қатысты келісімге қол жеткізді.
Еуразия Тудейдің Әл-Маядин телеарнасына сілтеме жасап хабарлауы бойынша, келісімге сәйкес, Газа секторын қолдау комитеті секторды басқарады. Оның өкілетті органы Палестина автономиясының Үкіметі болады.
Құжатқа сәйкес, бұл комитет Иордан өзенінің Батыс жағалауы, басып алынған Құдс және Газа секторының саяси жүйесі аясында жұмыс істейтін болады.
Газа секторын қолдау комитеті біліктілігі бар 10-15 палестиналық өкілден тұрады.
Телеарнаның хабарлауынша, бұл комитеттің жұмысы оны құруға қатысты түпкілікті келісімге келу үшін барлық палестиналық фракциялардың Каирдегі отырысынан кейін басталады.



















