Өзбекстаннан Ауғанстанға шамамен 200 тонна азық-түлік тиелген гуманитарлық көмек жеткізілді.
Еуразия Тудейдің “Газета.uz” сайтына сілтеме жасап хабарлауы бойынша, гуманитарлық көмек Наурыз мерекесі мен Ораза айт мерекесі құрметіне берілді.
Өзбекстан елінің Президенті Шавкат Мирзиеевтің тапсырмасы бойынша Ауғанстанға гуманитарлық көмектің кезекті партиясын жіберді.
Гуманитарлық көмек Хайратан қаласындағы “Astras” компаниясының аумағында ресми түрде табысталды.
Салтанатты іс-шараға Өзбекстан Президентінің Ауғанстан бойынша арнайы өкілі Исматилла Иргашев, Сурхандария облысының әкімі Улуқбек Қасымов, Қорғаныс, Көлік, Құрылыс және тұрғын үй-коммуналдық шаруашылық, Сыртқы істер министрліктерінің өкілдері, сондай-ақ Балх облысының губернаторы Мұхаммад Юсуф Вафо және екі елдің басқа да ресми тұлғалары қатысты.
Гуманитарлық көмек құрамында ұн, бидай, макарон өнімдері, өсімдік майы, қант, тез дайындалатын тағамдар мен қызыл бұршақ пен маш өшімдері бар.
Сондай-ақ, Мазари-Шариф қаласында екіжақты кездесу өтіп, ынтымақтастықты одан әрі нығайту мәселелері талқыланды. Атап айтқанда, шара барысында тараптар Өзбекстанның көмегімен Ауғанстанда салынып жатқан Имам Бұхари кесенесінің құрылысы туралы пікір алмасты.
Ауғанстан тарапы Өзбекстан Президенті мен халқына көрсеткен көмегі үшін алғыс білдіріп, келе жатқан Ораза айт мерекесімен құттықтады.
Сапар барысында екі ел өкілдері өңірде жүзеге асырылып жатқан жаңа бірлескен жобалармен де танысты.
Айта кетейік, желтоқсан айының соңында Өзбекстан Ауғанстанға азық-түлік пен дәрі-дәрмек тиелген гуманитарлық көмек пен “Денсаулық” медициналық-санитарлық көмек пойызын жіберді. 25-30 желтоқсан аралығында өзбекстандық дәрігерлер Ауғанстанның Балх облысында халықты тегін медициналық тексеруден өткізді.



















