Александр Дугин Анкараның Сириядағы жуырдағы оқиғалардағы әрекетін Мәскеуге опасыздық деп атап, Режеп Тайып Ердоғанның есептеуде қателік жібергенін мәлімдеді.
Еуразия Тудейдің хабарлауы бойынша, бұл туралы саясаттанушы Александр Дугин Х желісіндегі парақшасында жазды.
Дугин Ресейдің Түркияға көрсеткен бұрынғы көмегі мен екі ел арасындағы байланыстарға сілтеме жасап: “Біз әрқашан Ердоғанды қолдадық. 2015 жылы Түркиядағы шиеленістің күшеюіне жол бермеуге тырыстық. Фетхуллах Гүленнің төңкерісі кезінде де Ердоғанға көп көмектестік.
Біз үшін Сириядағы жағдай өте ауыр. Ердоған стратегиялық қателік жасады. Кемалистердің идеясы Түркияны өз шекарасында қорғау болды.
Араб аймақтары Түркия басшылығымен ешқашан келіспейді. Сирия күрдтері де Батыстың қолдауымен өз билігін нығайтуға тырысады. Ресейсіз Ердоған Сириядағы маңызды досы мен одақтасынан айырылады.
Түркия мен Ресей арасында көптеген байланыс бар. Түркияның осы жолғы әрекеті Израиль мен жаһаншылдар үшін тиімді екені анық.
Ресей Батыс елестететіндей әлсіз емес. Менің ойымша, Ердоған есептеуде қателік жіберді.
Әрине, Ресей Түркияға зиян тигізбейді. Бірақ, мұндай опасыздықтан кейін, ықтимал мәселелер туындаған жағдайда Ресей Түркияға көмектеседі деп күту өте қиын”, -деп жазды.



















