Астанада Қазақстандағы көлік апталығы аясында алғаш рет халықаралық «Көлік және логистика» көрмесі жұмысын бастады.
Көрмеге әлемнің 17 елінен 226 компания қатысуда. Көрме алаңында еншілес компанияларымен бірге «PTC Holding» көліктік-логистикалық инвестициялық тобы да бар.
Орталық Азия елдеріндегі тасымалдау қызметтердің негізгі бөлігін қамтитын ірі оператор серіктестерімен жаңа бағыттар мен контейнер тасымалы бойынша көлік дәліздерін кеңейту мәселесін қарастыруда.
Көрмеге Еуропа мен Орта Азия елдерінің логистика саласындағы компаниялары жиналды. Олардың барлығы жүк тасымалдау тиімділігін арттыру мен жеткізу жағдайларын жақсартуға мүдделі.
Диалог алаңына Қазақстандағы ең ірі Контейнерлік және фитингтік платформалардың операторы «PTC Holding» де қатысуда. Олар Еуропа мен Қытай және Орталық Азиядағы жаңа маршруттар мен инфрақұрылымын одан әрі кеңейтуде көздеуде.
Компания өкілдері бұл көрмені көптен күткенін айтады. Өйткені бұл шараға жаңа көлік дәлізіндерін құруға қатысты барлық серіктестер мен негізгі қызмет алушылар жиналған.
Қазақстанның ең үлкен контейнер тасымалдаушы саналатын серіктестікке Қытаймен шекара бойындағы «Достық» терминалы тиесілі. Тұрақты нәтижелер және ұзақ мерзімді өсуді мақсат тұтқан компания алдағы уақытта Грузиядан «Поти» терминалы мен Өзбекстаннан «Ташкент» терминалын ашуды көздеуде.
Мамандар алға қойған жоспарлар орындалса тауар түрлері мен қызмет түрлері көбейеді дейді. Компания өкілдері көрменің бірінші күнінде-ақ шетелдік серіктестермен контейнерлік тасымалдау мәселелерін талқылап, бірқатар келісімдерге қол жеткізгенін айтады.


















