АҚШ президенттігіне үміткер Дональд Трамп жүрген Флорида штаты Уэст-Палм-Бичтегі гольф алаңында15 қыркүйек күні оқ атылды.
Еуразия Тудейдің Associated Press агенттігіне сілтеме жасап хабарлауы бойынша, күдікті ретінде 58 жастағы Райан Уэсли Раут ұсталды.
Күдіктінің Флорида штаты Уэст-Палм-Бичтегі гольф алаңында экс-президентке қастандық жасауға не себеп болғаны белгісіз.
Құпия қызмет агенті бұтақ арасынан Райан Уэсли Рауттың автоматының басын байқап, ескерту оғын атқан. Сол уақытта күдікті көлігімен қашып кетуге талпынған. Алайда күдікті куәгердің көмегінің арқасында көп ұзамай ұсталды.
Гольф алаңындағы бұтақ арасынан винтовка мен бейнекамера табылған. Құқық қорғау органдарының мәліметінше, бұл оқиға Дональд Трампқа қастандық жасауға талпыныс ретінде тіркеледі.
Орын алған оқиғадан кейін Дональд Трамп жағдайы жақсы екенін, ешқашан берілмейтінін мәлімдеді.
Еске сала кетейік, шілденің 13 күні Дональд Трампқа Пенсильванияда митинг кезінде оқ атылған болатын. Сол кезде ол бір құлағынан жараланды.



















