Франция Президенті Эмманюэль Макрон Бейжің егер Еуропамен сауда тапшылығын қысқарту бойынша қадам жасамаса, қатаң шара қабылдауға мәжбүр болатынын ескертті.
Еуразия Тудейдің хабарлауы бойынша, Франция Президенті Эмманюэль Макрон Қытай Еуропамен үлкен сауда тапшылығын қысқартуға қадам жасамаса, Еуропалық Одақ жақын арада Қытай өнімдеріне баж салығын енгізуі мүмкін екенін мәлімдеді.
Бұл туралы Эмманюэль Макрон Қытайға жасаған ресми сапарынан оралғаннан кейін “Les Échos” басылымына берген сұхбатында мәлімдеді.
Эммануэль Макрон: “Егер Қытай әрекет етпесе, біз Америка Құрама Штаттары сияқты қатаң шара қабылдауға мәжбүр болып, Қытай өнімдеріне баж салығын салуымыз мүмкін екенін айттым”, -деді.
Франция Президентінің айтуынша, АҚШ әкімшілігінің протекционизмі Қытайдың сауда ағындарын Еуропалық Одақ нарығына бұру арқылы еуропалық мәселелерді ушықтырып отыр.
Макрон: “Бүгін біз қақпанға түстік. Бұл еуропалық өнеркәсіп үшін өмір мен өлім мәселесі”,-деді.
Ол біртұтас еуропалық ұстанымды қалыптастыру оңай емес екенін мойындап, Германияның Қытайда өнеркәсіптік қатысуына байланысты қарсылығын мысал ретінде келтірді.
Макрон Еуропалық Одақ бір мезгілде автомобиль өнеркәсібі сияқты осал секторларды қорғауы және жеңілдету, интеграцияланған бірыңғай нарық, инновацияға инвестиция салу және тиісті ақша-несие саясаты арқылы бәсекеге қабілеттілікті арттыруы тиіс екенін баса айтты.



















