Бахрейн зерттеушісі Рашид әл-Рашид имам Хомейниді сенім мәдениетінің жетекшісі болған деп сипаттады.
Еуразия Тудейдің хабарлауы бойынша, Рашид әл-Рашид Ислам Республикасы ақпарат агенттігінің тілшісіне берген сұхбатында Имам Хомейнидің Ислам үмбетіне езгіге қарсы тұру қабілетіне деген сенімін нығайтқанын атап, залымдармен және жемқорлармен күресуде шабыттандыратын тұлға болғанын баса айтты.
Рашид әл-Рашид: «Ислам революциясының жеңісі барлық салада, әсіресе исламның жаңғыруы және өзіне деген сенімділікті, дінді және құндылықтарды қалпына келтіру саласында маңызды із қалдырды.
Бұл революция екіжүзділердің бетпердесін шешіп, шынайы жүздерін көрсетті. Имам Хомейни мазлұм және осал халықтардың қазіргі тарихи қозғалысының шабыттандырушысы және жетекшісі болды, сондай-ақ, мұсылмандар мен әлемнің әлсіз топтарына қадір-қасиет рухын үйрететін жаңа мектеп қалдырды.
Ислам үмбеті Ислам революциясының негізін қалаушының ізімен қазір езгіге, сыбайлас жемқорлыққа қарсы тұру үшін және қорлау мен құлдықтан азат етуге жан-жақты қозғалысты бастан кешіруде»,- деді.
Бахрейн зерттеушісі сұхбатының жалғасында имамның көзқарасындағы Палестина мәселесінің маңыздылығына тоқталып, имам Хомейнидің Палестина мәселесіне қатысты айтқан сөздері біртіндеп орындалып жатқанын айтты. Сонымен қатар Ислам Республикасы имам Хаменеидің басшылығымен имам Хомейнидің көзқарасынан шегінбеуінің нәтижесінде осы елдің Палестина мәселесіндегі қолдау жоспарларының стратегиялық және озық сатыда екенін атап өтті.
Бахрейннің саяси белсендісі: «Иран Ислам Республикасы жергілікті қарсылықтың жаңа шындығын құрды және бос ұрандарға сүйенбеді. Имам Хомейни өз заманында әлемнің барлық билеушісінен ерекшеленді. Ол қару-жарақ күшімен билікке келген жоқ. Имам Хомейни ғылымға, білімге және ұлттың сүйемелдеуіне негізделген жаңа дәуірдегі ең үлкен революцияны бастап, бұрын-соңды болмаған саяси жүйенің негізін қалады»,-деді.



















