Иран Сыртқы істер министрі Сейед Аббас Арақчи ҚХР Сыртқы істер министрі Ван Имен телефон арқылы сөйлесті.
Еуразия Тудейдің хабарлауы бойынша, тараптар телефон арқылы сұхбат барысында сионистік режим мен АҚШ-ның Иранға қарсы басқыншылықтарынан кейінгі аймақ жағдайын талқылады.
Иран Сыртқы істер министрі Аббас Арақчи Қытайдың жауапты ұстанымына, соның ішінде сионистік режимнің Иранға қарсы жуырда жасаған басқыншы әрекеті мен АҚШ-ның бейбіт мақсаттағы ядролық нысандарына жасаған шабуылын қатаң айыптауына ризашылық білдірді.
Аббас Арақчи Иран Ислам Республикасы Қарулы күштерінің сионистік режимнің әскери және барлау нысандарына қарымта жауабы Израильдің басқыншылығына жауап ретінде өзін-өзі қорғау әрекеті болғанын айтты.
Қытай Сыртқы істер министрі Бейжіңнің принципті ұстанымын растап, Израиль мен АҚШ-ның Иранның егемендігі мен аумақтық тұтастығын бұзуын айыптады.
Ван И Ядролық қаруды таратпау туралы шартқа қатысушы Иранның бейбіт мақсаттағы ядролық нысандарына жасаған АҚШ-ның шабуылын “халықаралық барлық норманы бұзатын қауіпті қадам” деп атады.
Сондай-ақ, Ван И Иранның өзін-өзі қорғау құқығын қолдап, БҰҰ Қауіпсіздік кеңесінің отырыстарында Қытайдың үш рет өз ұстанымын ашық айтып, Иранға қарсы агрессияны айыптағанын айтты.


















