Иран Телерадио корпорациясы шетелдік торабының департаменті иврит тіліндегі жаңа Press TV қызметінің іске қосылғанын хабарлады.
Еуразия Тудейдің хабарлауы бойынша сионистік режимнің ақпараттық үгіт-насихатымен қарсыласу үшін Иранның мәдени революция жоғарғы кеңесі қаулысының бекітілуінен кейін Иран Телерадио бірлестігі иврит тілінде телеарна ашуға міндеттелді.
Кеңестің «Ерекше кезеңде елдің жағдайына қатысты ұлттық саясат, мәдени, әлеуметтік, ақпараттық, ғылыми, техникалық бақылаушы әрекеттер» атты қаулысы ұлттық БАҚ осы салада қарсыласуға қадам жасауға міндеттеді.
Сол бағытта Hebrew Press TV деп жұмысын бастаған осы қызмет алғашқы кезеңде әлеуметтік желілерге баса назар аударып, иврит тіліндегі аудиторияға арнап, жаңалық, сараптама және мультимедиалық мазмұндағы материалдарды ұсынады.
Иран Телерадио корпорациясы шетелдік торабы директорының орынбасары Ахмад Норузи иврит тіліндегі ресми хабарламасында басып алынған аумақтардағы БАҚ жағдайына сілтеме жасап: «Иранмен соғыс кезінде Израиль режимі иврит БАҚ-қа ең жоғары деңгейдегі цензура қойды. Олар халықтың шындықты білуінен қорқады, ал Hebrew Press TV жасырын шындықтарды ашады», — деп мәлімдеді.



















