Израильдің Газа секторының шығысындағы мектепке жасаған әуе шабуылы салдарынан 27 палестиналық, соның ішінде балалар қаза тапты.
Еуразия Тудейдің WAFA агенттігіне сілтеме жасап хабарлауы бойынша, Израиль ұшақтары қоныс аударушы палестиналықтар пана тапқан Дар әл-Аркам мектебін бомбалады.
Газа Денсаулық сақтау министрлігінің мәлімдеуінше, Израильдің мектепке жасаған шабуылы жаппай қырып жою деп бағаланады.
Мектепке жасалған шабуыл салдарынан 27 адам қаза тауып, кемінде 70 адам жараланған.
Израиль армиясы мен ішкі барлау қызметі “Шин-Беттің” бірлескен мәлімдемесінде шабуылдың нысанасы ХАМАС қозғалысының командалық орталығы болғаны айтылған.
Газа секторы Денсаулық сақтау министрлігінің мәліметінше, 18 наурыздан бері Палестина анклавында қаза тапқандар саны 1,1 мыңнан асып, 2,7 мыңнан астам адам жарақат алды.



















