Газа секторындағы гуманитарлық үзіліс тағы екі күнге созылды.
Газада бітімгершілікті тағы екі күнге ұзартуға қол жеткізілгенін Катар Сыртқы істер министрі Мұхаммед бен Абдулрахман Әл Тани хабарлады.
ХАМАС бітім Қатар және Мысырмен келісім бойынша ұзартылды деп мәлімдеп отыр, ал Израиль Газада кепілде отырғандардың көбін мүмкіндігінше босату үшін атыс қимылдарындағы кідірісті ұзартуға дайын екенін мәлімдеген.
Еске сала кетсек, Израиль мен ХАМАС арасындағы төрт күндік бітім 24 қарашада күшіне енген еді.
Бұған дейін тараптар кепілге алынған 50 адамның орнына Израиль Газа секторына оқ атуды тоқтатады деп келіскен болатын. ХАМАС-пен уақытша бітімгершілік келісімін Израиль үкіметі, Цахал, «Моссад» және «Шин Бет» барлау агенттіктері қолдаған.
Бұған дейін Израиль премьер-министрі Беньямин Нетаньяху уақытша бітімгершілік соғыс пен Газадағы операцияның аяқталуын білдірмейтінін айтқан болатын.
Кейінірек Нетаньяху ХАМАС пен Израиль арасындағы бітімгершілік «бір күн — он адам» формуласымен ұзартылуы мүмкін деп мәлімдеді.
Қатардың арағайындығымен қол жеткізілген 4 күндік бітім жалғасын тапты.
Қатарға Мысыр қосылып, бітімді созу үшін қолдан келгеннің бәрін жасады. Батыс та өз тарапынан бітімнің созылуы үшін алғашқы қадам жасады.



















