Израильдің экономикалық өсімі соғыс салдарынан ағымдағы жылдың екінші тоқсанында қайта төмендеді.
Еуразия Тудейдің Eghtesadnews сайтына сілтеме жасап хабарлауы бойынша, Израильдің орталық статистика бюросы өткен айда 0,7 пайыз болған елінің ЖІӨ өсімін сәуір және маусым аралығында небәрі 0,3 пайызды құрағанын жариялады.
Өткен жылдың тамыз айында Израильдің ЖІӨ өсімі шамамен 1,2 пайыз болған.
Израильдің Экономика министрлігі өткен бейсенбі күні қыркүйек айында елінің бюджет тапшылығы 2,34 миллиард долларға жеткенін мәлімдеді. Министрлік бұл құлдырауды Газа секторы мен Ливанға қарсы соғыс шығындарының өсуімен байланыстырады.
Сондай-ақ, 7 қазан күні Moody’s рейтингтік агенттігі сионистік режимнің Газа секторындағы 12 айға созылған соғысы салдарынан және Ливандағы Хезболла қозғалысымен шиеленістің күшеюінен экономикалық шығындарының өсуіне байланысты Израильдің несие рейтингін биыл екінші рет төмендетті.
Сонымен қатар Bloomberg экономикалық желісінің веб-сайты Moody’s 6 қазанда Израильдің рейтингін екі сатыға түсіріп, A2-ден Baa1-ге дейін төмендеткен мәлімдеме жасағанын хабарлады.
Қазіргі уақытта Израиль инвестициялық құндылығы жоқ елдерден небәрі үш қадам айырмашылықта тұр.



















