Йемен армиясы сионистік режимге әуе кеңістігін толығымен жауып, барлық әуе компанияларын Израиль әуежайларына ұшуды тоқтатуға шақырды.
Еуразия Тудейдің хабарлауы бойынша, бұл шара сионистік режимнің Газа секторына қарсы басқыншылық әрекетінің артуына жауап ретінде қабылданды.
Йемен Қарулы күштерінің мәлімдемесінде: “Йемен Қарулы күштері Израильдің Газа секторына қарсы басқыншылық әрекетін күшейту туралы шешіміне жауап ретінде әуе кеңістігін толық жабады. Біз әуежайларға, атап айтқанда Израильдің Бен-Гурион халықаралық әуежайы деп атайтын Лод әуежайына бірнеше рет соққы беру арқылы әуе блокадасын орнату үшін әрекет етеміз”, — деп жазылған.
Сондай-ақ, Йемен армиясы халықаралық барлық әуе компаниясын осы мәлімдемеге байыппен қарап, ұшақтар мен жолаушылардың қауіпсіздігін қамтамасыз ету үшін Израиль режимі бақылайтын әуежайларға барлық рейсті тоқтатуға шақырды.
Мәлімдемеде: “Біз барлық халықаралық әуе компанияларын осы мәлімдеме мәтіні жарияланған сәттен бастап оның мазмұнын ескеріп, ұшақтар мен жолаушылардың қауіпсіздігін қамтамасыз ету үшін Израильге бағытталған барлық рейсті тоқтатуға шақырамыз”, — деп айтылған.



















