Қытай Халық Республикасы Мемлекеттік кеңесінің экс-премьері Ли Кэцян жүрек ұстамасынан көз жұмды.
Жүрек ұстамасынан қайтыс болған Қытайдың белгілі саясаткері Ли Кэцян 68 жаста болған.
Қытай Орталық коммуникациялары мәлім еткендей, соңғы кезде Ли Кэцян Шанхайда демалып жүрген.
Өкінішке қарай 26 қазанда экс-премьер аяқ астынан жүрек ұстамасына ұшырап, Шанхай уақытымен 27 қазан сағат 0:10-де өмірден озды.
2013 жылдың наурызында Ли Кэцян ҚХР Мемлекеттік кеңесінің премьері болып тағайындалды. 2018 жылы ол осы қызметке қайта тағайындалды.
2012-2022 жылдары Ли Кэцян Қытай Коммунистік партиясы иерархиясында екінші лауазымды тұлға болды. Ол пандемия кезінде Үкіметке басшылық етті.
2023 жылы саясаткер Халық өкілдерінің жалпықытайлық жиналысының жыл сайынғы сессиясында сөз сөйлеп, зейнетке шығатынын мәлім еткен.



















