Мысыр Сыртқы істер министрлігі бүгін, 6 қазанда Израиль мен ХАМАС делегацияларының келіссөзі өтетінін мәлімдеді.
Еуразия Тудейдің хабарлауы бойынша, Израиль мен ХАМАС делегациялары келіссөз барысында тұтқындарды босату мәселесін талқылайды.
Мысыр Израиль және ХАМАС қозғалысының өкілдерін АҚШ президенті Дональд Трамптың қақтығысты тоқтату жөніндегі бейбіт жоспары аясында 6 қазанда Газа секторындағы кепілге алынған израильдіктерді палестиналық тұтқындарға айырбастау туралы келіссөз жүргізуге шақырды.
Мысыр Сыртқы істер министрлігі сенбі, 4 қазан күні кешке мәлімдеме жасап: “Бұл – аймақтағы және халықаралық деңгейдегі серпінді жалғастыруға бағытталған қадам”, – деді.
Дональд Трамп ХАМАС қозғалысы Ақ үй ұсынған жоспарды қабылдаған сәтте атысты тоқтату туралы келісім күшіне енетінін мәлімдеді. Ал Биньямин Нетаньяху ХАМАС қозғалысын қарусыздандыруға ниетті екенін айтты.
ХАМАС қозғалысы тұтқындарды қайтаруға және Газаны тәуелсіз органға басқаруға беруге келісті.



















