Жапония ағаштан жасалған ерекше жерсерігін орбитаға ұшыруды жоспарлап отыр.
The Guardian басылымының хабарлауы бойынша, Жапония ғалымдарының жасап шығарған жерсерігі дәстүрлі ғарыш аппараттарынан ерекше.
LignoSat зонды деп аталатын бұл жерсерік магнолия ағашынан жасалған.
Ғарыш кеңістігін ластанудан сақтау мақсатында жасалған жерсерік бірнеше мәрте мұқият тексерілген.
Халықаралық ғарыш станциясында жүргізілген тәжірибелер нәтижесінде жерсерік тұрақты және жарылуға төзімді болып шықты.
Сонымен қатар, ағаш үлгілері тексеру барысында айтарлықтай өзгеріске немесе ыдырау, зақымдану белгілеріне ұшырамағаны анықталған.
Бүгінде жерсерікті осы жазда америкалық зымыранмен ұшыру жоспарлануда.
Жапон ғалымдары жасаған ерекше жерсерігінің көлемі кофе шыныаяғының көлемімен бірдей миниатюрлы болып келеді.
Егер LignoSat орбитада сәтті пайдаланылса, онда жерсерік жасауда ағаш материалын пайдалану мүмкіндігі пайда болады.












