Сионистердің Газа секторының оңтүстігіндегі Телас Сұлтан аймағын бомбалауы мен аяусыз шабуылдарынан мыңдаған палестиналық тағы оқтың астында қалды.
Еуразия Тудейдің Шаһаб агенттігіне сілтеме жасап хабарлауы бойынша, Газа секторындағы Денсаулық сақтау министрлігінің далалық ауруханалар директоры Марван әл-Хамс басқыншы күштердің медицина қызметкерлері мен құтқарушыларға қарсы жоспарлы шабуылдары салдарынан Рафах қаласының апатты жағдайда екенін мәлімдеді.
Марван әл-Хамс: “Сионистер медицина қызметкерлерін нысанаға алып, олардың жұмысына кедергі келтірді. Рафахқа келген Палестина Қызыл Жарты Ай қоғамының төрт көлігімен байланыс үзілді”, -деді.
Әл-Хамс Рафахтағы жағдайды апатты деп сипаттап, қалада жаралыларға көмек көрсету үшін жұмыс істейтін ауруханалар мен медициналық орталықтардың қалмағанын айтты.
Ол: “Құтқару топтарының әріптестерін құтқарудағы әрекеттері сәтсіз аяқталды. Қақтығыс аймағына кіргеннен кейін олармен байланыс үзілді”, — деді.



















