Ресей Президенті Владимир Путин мен Иран президенті Масуд Пезешкиан келесі аптада Бішкекте кездеседі деп жоспарланып отыр.
Еуразия Тудейдің хабарлауы бойынша, тараптардың кездесуі Қырғызстанда өтетін Шанхай ынтымақтастық ұйымының саммиті аясында өтеді.
Бұл туралы Иранның Ресейдегі елшісі Казем Джалали тілшілерге мәлімдеді.
Сонымен қатар, Джалали Мәскеу мен Тегеранның Иран аумағында жаңа атом электр станцияларын салу жөнінде келісімге келгенін баса айтты. Жобаның жалпы құны шамамен 25 млрд долларға бағаланып отыр.
Елшінің айтуы бойынша, болашақ нысандардың біріне арналған жер телімі Парсы шығанағы жағалауына жақын аумақтан бөлінген.
Владимир Путин мен Масуд Пезешкианның алдағы келіссөзінің нақты күн тәртібі әзірге ресми түрде жарияланған жоқ.
Ресей мен Иран президенттері Владимир Путин мен Масуд Пезешкиан соңғы рет былтыр желтоқсан айында Ашхабадта кездескен болатын.
Айта кетейік, 31 тамыз-1 қыркүйек күндері Бішкекте Қырғызстанның төрағалығымен ШЫҰ-на мүше мемлекеттер басшылары кеңесінің отырысы өтеді.
Сонымен қатар, 31 тамызда жаңа «Бішкек Арена» стадионында VI Дүниежүзілік көшпенділер ойындарының ашылу салтанаты өтеді.
Қырғызстанға тамыз айының соңында алғаш рет 21 мемлекет басшысы бір уақытта келеді.


















