Тәжікстан Республикасының Президенті Эмомали Рахмон 22 қарашада Минск қаласына жұмыс сапары аясында Беларусь Республикасының Президенті Александр Лукашенкомен кездесті.
Тараптар мәдени-гуманитарлық байланыстарды, оның ішінде ғылым мен білім саласындағы ынтымақтастықты кеңейтудің ерекше маңыздылығын атап өтті. Кездесу барысында халықаралық және өңірлік мәселелер бойынша да пікір алмасу болды.
Айта кетейік, Тәжікстан Республикасының Президенті Эмомали Рахмон 22 қарашада Ұжымдық қауіпсіздік шарты ұйымының Ұжымдық қауіпсіздік кеңесінің кезекті отырысына қатысу үшін Беларусь Республикасына жұмыс сапарымен келді.
Беларусь-Тәжікстан дипломатиялық қарым-қатынасы 1996 жылы 5 қыркүйекте орнатылды. Екі ел бір-бірімен тығыз байланыста әрі Біріккен Ұлттар Ұйымы, Еуропадағы қауіпсіздік және ынтымақтастық ұйымы, Еуразиялық экономикалық одақ, Ұжымдық қауіпсіздік шарты ұйымы сияқты ұйымдардың тиімділігіне қатысты ұқсам ұстанымға ие.


















