Ресей Мәскеудегі Ауғанстанның жаңа Елшісінің сенім грамотасын қабылдап, Талибан Үкіметін мойындаған алғашқы ел болды.
Еуразия Тудейдің хабарлауы бойынша, Мәскеудің Ауғанстанды ресми түрде мойындағаны туралы Ресей Сыртқы істер министрлігінің бейсенбі күні кешке жасаған мәлімдемесінде айтылды.
Мәлімдемеде: “Ауғанстан Ислам Әмірлігін ресми мойындау екі ел арасында әртүрлі саладағы екіжақты және сындарлы ынтымақтастықты дамытуға серпін береді деп сенеміз”,-деп жазылған.
Ресей Бас прокуратурасы 2025 жылдың сәуір айында осы елдің Жоғарғы сотынан Талибан қозғалысын тыйым салынған лаңкестік топтардың тізімінен шығаруды сұрап, өтініш жолдады.
Ресей Жоғарғы соты 2025 жылдың 17 сәуір күні қазір Ауғанстанда билікте отырған Талибан қозғалысының қызметіне тыйым салуды тоқтатып, топты Мәскеудегі лаңкестік топтардың тізімінен алып тастады.
Ауғанстанның Ресейдегі жаңа Елшісі Маулави Гүл Хасан сәрсенбі, 2 шілдеден бастап қызметіне кірісті.
Талибан өкілдері елшілік қызметкерлерімен кіріспе кездесу өткізді.
Ауғанстан Сыртқы істер министрлігі бұл қадам Кабул мен Мәскеу арасында әртүрлі саладағы, соның ішінде саяси және экономикалық қатынастың нығаюына әкелетініне үміт білдірді.



















