Кремльдің баспасөз хатшысы Дмитрий Песков Сириядағы оқиғалар мен осы елдің кейбір аймақтарындағы лаңкестік топтардың әрекеттеріне пікір білдіріп, Ресейдің Сирия Президенті Башар Асадқа қолдауы жалғасатынын мәлімдеді.
Еуразия Тудейдің Кремльге сілтеме жасап хабарлауы бойынша, Мәскеу тиісті деңгейде байланысты жалғастырып, жағдайды талдайтынын мәлімдеді. Сонымен қатар, Сириядағы жағдайды тұрақтандыру үшін қажет ұстаным қалыптасады.
Сәрсенбі күні лаңкестік топтар кейбір елдердің қолдауымен және шетелдік жауынгерлердің қатысуымен Алеппоның солтүстік-батыс, батыс және оңтүстік-батыс аймақтарындағы Сирия армиясының позицияларына қарсы ауқымды шабуыл жасады. Бұл әрекеттер Түркияның делдалдығымен Астанада келісілген деэскалация аймағында орналасқан аумаққа қатысты 2020 жылғы атысты тоқтату туралы келісімді бұзды.
Бұл аймаққа Идлибтің бір бөлігі, Алеппо маңы және Хама мен Латакия аудандары кіреді.
Айта кетейік, Астана процесінің кепілі болып табылатын Иран, Ресей және Түркия 2017 жылы Сирияда төрт деэскалация аймағын құруға келіскен болатын.



















