Украина президенті Владимир Зеленский Балтық елдеріне тосын аттанды.
Novosti.dn.ua сайтының мәліметінше, Украина президенті Владимир Зеленскийдің Литваға тосын ұшып баруымен оның Балтық елдеріне сапары басталды.
Зеленский Литвадан соң өз сапарын Латвия мен Эстонияға бару арқылы жалғастырады.
Зеленскийдің сапары барысында Ресеймен соғыс және Киевтің НАТО мен Еуропалық Одаққа кіру мәселелері талқыланады.
Украина президенті Telegram-дағы каналында Эстония, Латвия және Литва елдерін сенімді достары және тілектес серіктестері деп атады.
Сонымен қатар, Зеленский Балтық жағалауы елдеріне Украинаны қолдағаны үшін алғыс айтты.
Reuters Зеленскийдің Балтық елдеріне сапары туралы Украина өзінің Батыс одақтастарынан қосымша қаржылай және әскери көмек сұрауға мәжбүр деп жазды.



















