Қырғызстанға Ұлыбритания Сыртқы істер министрлігінің Достастық және халықаралық даму кеңсесінің санкциялар жөніндегі өкілдері келді.
Ұлыбритания делегациясының 24 қаңтар күнгі ресми сапары туралы Ұлыбританияның Бішкек қаласындағы елшілігі хабарлады.
Елшіліктің хабарлауы бойынша, алты сарапшыдан тұратын топ Қырғызстанның Сыртқы істер министрлігі, экономика министрлігі, кеден және салық қызметтері мен елдің Ұлттық банк өкілдерімен кездесіп, пікір алмасады.
Ұлыбритания өкілдерінің Бішкекке келудегі басты мақсаты — Қырғызстанға Ұлыбританияның санкция саясатын түсіндіру және қырғыз әріптестеріне көмек көмектесу.
Аталмыш топ өкілдері Бішкек қаласына екі күндік сапармен келді.
Қырғызстан үшін бұл сапардың маңызы зор. Себебі, Қырғызстандағы бірнеше компания «Ресейге тыйым салынған тауарлар жіберді» деген айыппен АҚШ қаржы министрлігінің санкциялар тізіміне іліккен.
Бұл Ұлыбритания Сыртқы істер министрлігінің Достастық және халықаралық даму кеңсесінің санкциялар жөніндегі өкілдерінің Қырғызстанға екінші мәрте келуі.
Олар бұған дейін 2023 жылғы сәуір айында Бішкек қаласында болды



















