Қырғызстанда жаз мезгілінде қар жауды. Тамыздағы ақ ұлпаның видеосы әлеуметтік желіде тарады.
Алғашқы қар Қырғызстанның Нарын облысына қарасты Торугарт елді мекенінде жауды.
Бұған дейін Қырғызгидромет 27 тамыз күні түстен кейін және 28 тамызда аумағының көп бөлігінде жаңбыр жауып, таулы аудандарда жаңбырдың қарға ұласатыны және кей жерлерде жауын-шашын қарқынды болады деп ескерткен.
Ал Қазақстан аймақтарында 2023 жылғы 28 тамызда болатын метеорологиялық құбылыстарға болжау консультациясы бойынша ҚР басым бөлігінде атмосфералық фронтальды бөлімдердің өтуіне байланысты ауа-райының тұрақсыз сипаты сақталады, жаңбыр жауады, найзағай, дауыл және желдің күшеюі күтіледі, бұршақ жаууы мүмкін. ҚР батысында, солтүстігінде, солтүстік-батысында, орталығында, оңтүстігінде, оңтүстік-шығысында қатты жаңбыр күтіледі, Алматы облысының таулы аудандарында қатты жауын-шашын (жаңбыр, жылбысқы қар) күтіледі. ҚР солтүстігінде, солтүстік-батысында тұман күтіледі.
Еске сала кетейік, жақында ШҚО Катонқарағай ауданының Белуха маңындағы «Нижний лагерь» кемпингінде алғашқы қар жауды.
![]()



















