Кеше, 1 қазан – халықаралық Қарттар күні мерекесін дүниежүзі атап өтті. Қарттар күні – халықаралық мерекесі 1990 жылдың 14-ші желтоқсанында БҰҰ Бас Ассамблеясында ресми бекітілген.
Халықаралық Қарттар күні 1991 жылдан бері 1 қазанда тойланып келеді. Жылдағы дәстүрмен 1 қазан күні дүниенің әр бұрышында қарттарға сый-құрмет көрсетіліп, алдыңғы ұрпақтың қоғамдағы рөлі, кейінгі ұрпаққа берер үлгі-өнегесі насихатталады.
Алдымен бұл мереке Еуропада, содан кейін Америкада және 90-жылдардың аяғында бүкіл әлемде тойлана бастады.
Егде жастағы адамдар-біздің мақтанышымыз, қымбат қазынамыз. 1 қыркүйектегі мәлімет бойынша, елімізде 2 млн 305 мыңнан астам зейнеткер бар екен.
Ал, Өзбекстан елі кеше, 1 қазан мұғалімдер күнін атап өтті. Жыл сайын Өзбекстанда 1 қазан — Мұғалімдер мен жаттықтырушылар күні кеңінен атап өтіледі. Бұл мереке Өзбекстанда 1997 жылдан бастап Өзбекстан Республикасының тұңғыш президенті Ислам Каримовтың 1996 жылғы 27 желтоқсандағы Жарлығына сәйкес атап өтіледі.
Айта кетсек, Қазақстанда биыл алғаш рет ұстаздардың кәсіби мерекесі 5 қазанда аталып өтеді.

















