Иран СІМ АҚХА Басқарушылар Кеңесінің Иранға қарсы қабылдаған қарарын сындарсыз деп атады.
Еуразия Тудейдің хабарлауы бойынша, Иран Ислам Республикасының Сыртқы істер министрлігі Атом Қуаты Халықаралық Агенттігі Басқарушылар Кеңесінің отырысында Иранға қарсы қарардың қабылдануын қатаң айыптап, оны сындарсыз және кейбір батыс елдерінің халықаралық механизмдерді тәуелсіз елдерге қарсы саяси түрде теріс пайдалану әрекеті деп атады.
Иран Ислам Республикасының Сыртқы істер министрлігі кеше, маусымның бесі, сәрсенбі күні түнде мәлімдеме жариялап, Атом Қуаты Халықаралық Агенттігі Басқарушылар кеңесінің отырысында бірнеше елдің Иранға қарсы қарар қабылдау әрекетін қатаң айыптады.
Осы мәлімдемеде былай жазылған: «Иран Ислам Республикасы бұл қарарды ұсыну мен бекітуді саяси және сындарсыз әрекет, сонымен қатар кейбір батыс елдерінің бұрынғы жеңіліс тапқан саясаттарының жалғасы және халықаралық тетіктерді тәуелсіз елдерге қарсы саяси түрде теріс пайдалану әрекеті деп санайды.
Иран Ислам Республикасы ядролық қаруды таратпау және бақылау туралы келісімдерге негізделген өзінің халықаралық құқықтары мен міндеттемелері аясында Атом Қуаты Халықаралық Агенттігімен техникалық ынтымақтастықты жалғастыруға берік.
Бұл қарардың қабылдануы Иран Ислам Республикасының ядролық энергияны бейбіт мақсатта қолдануды жалғастыру және өзінің ядролық даму жоспарларын тиісті халықаралық шарттардағы құқықтарына сәйкес іске асыру жөніндегі ерік-жігеріне еш әсер етпейді».
20 дауыспен қабылданған қарардың жобасын Ұлыбритания, Германия және Франция дайындаған. Қарарға Басқарушылар кеңесінің 35 мүшесінің екі елі қарсы болса, тағы 12 ел қалыс қалды.


















