Иранның сыртқы саясатының басты бағыты – барлық көршілес мемлекетпен қарым-қатынасты нығайту.
Еуразия Тудейдің хабарлауы бойынша, бұл туралы Иран Сыртқы істер министрінің саяси мәселелер жөніндегі орынбасары Маджид Тахт-Раванчи Х әлеуметтік желісінде жариялаған хабарламасында жазды.
Тахт-Раванчи Қатар мен Пәкістанға жасаған сапарларының нәтижелері туралы жазып: “Мен Дохада Қатар Сыртқы істер кеңесші-министрі Мохаммед әл-Халифимен кездестім.
Онда біз екіжақты қарым-қатынастың әртүрлі қырын, сондай-ақ өңірлік және халықаралық мәселелерді талқыладық.
Біз байланысымызды тереңдету мақсатында ынтымақтастыққа дайын екенімізді мәлімдедік”, – деді.
Иран Сыртқы істер министрінің саяси мәселелер жөніндегі орынбасары Исламабадқа сапары барысында Пәкістан Сыртқы істер министрінің орынбасары Амина Белуджбен өткен екіжақты саяси кеңесулердің 13-ші кезеңіне қатысқанын айтты.
Маджид Тахт-Раванчидің айтуы бойынша, кездесу барысында Иран мен Пәкістан арасындағы қарым-қатынасқа жан-жақты баға беріліп, екі ел арасындағы барлық саланы ілгерілету мақсатында нақты қадамдар қабылдауға келісім жасады.
Сонымен қатар, Тахт-Раванчи Пәкістан Премьер-министрінің орынбасары – Сыртқы істер министрі Мұхаммад Исхақ Дармен өткен өте сындарлы кездесу туралы жазды.
Иран Сыртқы істер министрінің саяси мәселелер жөніндегі орынбасары Маджид Тахт-Раванчи сөзін қорытындылап, Иран Ислам Республикасының сыртқы саясатының басты бағыты барлық көршілес мемлекетпен қарым-қатынасты нығайту екенін баса айтты.


















