Қазақстандық фильм Иранда өткен 42-ші «Фаджр» кинофестивалінің жүлдесіне ие болды.
Fajrfilmfestival.com сайтындағы мәлімет бойынша қазақстандық «Бауырына салу» фильмі 42-ші «Фаджр» кинофестивалінде қазылар алқасының арнайы Simorgh жүлдесін иеленді.
Жексенбі, 11 ақпан күні 42-ші «Фаджр» кинофестивалінің жабылу салтанатында аталмыш жүлде «Бауырына салу» фильмінің режиссері Асхат Кучинчерековке табысталды.
Іс-шараның жабылу салтанатына Иранның Мәдениет және исламдық бағдар министрі Мохаммад Меһди Исмаили мен бір топ өнер қайраткерлері қатысты.
42-ші «Фаджр» кинофестивалінің жабылу салтанаты Теһран қаласындағы «Милад» мұнарасында өтті.
Асхат Кучинчерековтің «Бауырына салу» фильмінде әжесінің қолында тәрбиеленген баланың тағдыры баяндалады. Кейін әжесі қайтыс болып, бала өзінің туған ата-анасына оралады. Бала жаңа ортаға келіп, өзіне бөтен адамдармен қарым-қатынас орнатуға мәжбүр болады.
Еске сала кетсек, Иран Ислам Республикасының Ұлттық мерекесі — Революция күніне орай ұйымдастырылған 42-ші «Фаджр» кинофестивалі ақпанның 1-і мен 11-і аралығында өтті.


















