Иран Сыртқы істер министрі Аббас Арақчи Дамаскіде Сирия Президенті Башар Асадпен кездесіп, лаңкестік топтар шабуыл жасап жатқан Сириядағы оқиғаларды талқылады.
Еуразия Тудейдің ИРНА агенттігіне сілтеме жасап хабарлауы бойынша, Иран СІМ басшысы Аббас Арақчи Дамаскіге Сириядағы лаңкестік әрекеттің күшеюі аясында келді.
Кездесуде Президент Башар Асад елінің Сирияның жер-жеріндегі лаңкестік ұйымдармен батыл күресудегі табандылығын қуаттады.
Башар Асад: “Сирия халқы соңғы жылдары лаңкестіктің барлық түріне қарсы тұрып келеді. Бүгін де оны жоюға бұрынғыдан да белсене кірісті”, — деді.
Асад Сирияда шетелден қолдау тапқан лаңкестік топтардың тамырын жою аймақтағы барлық елдердің тұрақтылығы мен қауіпсіздігін қорғауға көмектесетінін мәлімдеді.
Өз кезегінде Иранның жоғары дипломаты Сирияның лаңкестік топтар және олардың жақтастарын жеңетініне сенім білдіріп, араб елінің бұған дейін қазіргі оқиғалардан әлдеқайда қиын сынақтарды жеңгенін айтты.
Арақчи сондай-ақ, Иранның жоғары лауазымды тұлғаларының үндеуін жеткізіп, елінің лаңкестікпен күресте Сирияны табанды түрде қолдайтынын растады.


















