Иранның Атом қуаты ұйымының басшысы Мохаммад Ислами уран байытуды атом өнеркәсібінің негізі екенін баса айтты.
Еуразия Тудейдің хабарлауы бойынша, Иранның Атом қуаты ұйымының басшысы Мохаммад Ислами уран байытуды ядролық өнеркәсібінің негізі әрі Иран Ислам Республикасы үшін «қызыл сызық» екенін, бұл үдерісте ешқандай балама жоқ екенін баса айтты.
Иранның Атом қуаты ұйымының басшысы Мохаммад Ислами бұл туралы кеше кешке теледидар арқылы берген сұхбатында мәлімдеді.
Ислами сұхбатында Иран Ислам Республикасының ядролық бағдарламаға қатысты негізгі ұстанымдарын, сондай-ақ Тегеранның Атом қуаты жөніндегі халықаралық агенттігінің жан-жақты баяндамасына көзқарасын айтты.
Мохаммад Ислами уран байыту атом өнеркәсібінің негізі екенін, Иранның уранды өндірудегі құқығына ешкім уәж айта алмайтынын қайталады.
Иранның Атом қуаты ұйымының басшысы түсінікті болу үшін қарапайым мысал ретінде: “Электр энергетикасын құруды көздеп отырған елге электр станциялары емес, тек қосалқы станциялар мен электр беру желілеріне ғана рұқсат етілгенін айта аламыз ба? Бұл қисынсыз. Атом өнеркәсібінде уран байыту электр энергетикасы өнеркәсібіндегі электр станциясы сияқты. Яғни ол бүкіл процестің негізі саналады”,-деді.
Ислами уран байытусыз ядролық отындық циклдің болмайтынын, ал отындық циклсіз әртүрлі салада, соның ішінде медицина мен өнеркәсіпте ғылыми-зерттеу және қолданбалы іс-шараларды жүргізу мүмкін еместігін түсіндірді.


















