Ұлыбритания, Аустралия, Канада, Жаңа Зеландия және Норвегия Израильдің екі министріне санкция салды.
Еуразия Тудейдің Deutsche Welle басылымына сілтеме жасап хабарлауы бойынша, Ұлыбритания, Аустралия, Канада, Жаңа Зеландия және Норвегия бірлесіп, Израильдің Қаржы министрі Бецалел Смотрич пен Ұлттық қауіпсіздік министрі Итамар Бен-Гвирге жеке санкция салды.
Санкция салуға олардың Батыс жағалаудағы палестиналықтарға қарсы зорлық-зомбылыққа шақыруы себеп болды.
Бес елдің Сыртқы істер министрлері басшыларының бірлескен мәлімдемесінде: “Біз екі мемлекет негізінде қабылданған шешімді қолдаймыз. Бұл Израиль мен Палестина тұрғындарының қауіпсіздігі мен аймақтағы тұрақтылықты ұзақ мерзімге қамтамасыз етудің жалғыз жолы. Алайда бұған экстремист қоныстанушылардың күш көрсету әрекеттері мен қонысты кеңейту шаралары қауіп төндіріп отыр.
Бецалел Смотрич пен Итамар Бен-Гвир арандату арқылы палестиналықтарға зорлық-зомбылық көрсетіп, олардың құқықтарының айтарлықтай бұзылуына ықпал етті. Палестиналықтардың күштеп қоныс аударуын және Израильдің жаңа қоныстарын құруды насихаттайтын әрекеттер қауіпті. Бұл әрекеттерге жол берілмейді”, — деп жазды.
Бес ел мәлімдемесінде Израиль үкіметін халықаралық құқық бойынша өз міндеттемелерін орындауға, экстремистік әрекеттерді тоқтату үшін шара қабылдауға шақырды.



















