Израиль мен ХАМАС арасында Газа секторындағы атысты тоқтату туралы келісім күшіне енгеннен кейін секторға гуманитарлық жүк тиелген жүк көліктері кіре бастады.
Еуразия Тудейдің Анадолу агенттігіне сілтеме жасап хабарлауы бойынша, Газаға жүк көліктері сектордың оңтүстігіндегі Израиль бақылауындағы “Карм-Әбу-Салим” өткелі арқылы кіріп жатыр.
Газа секторындағы атысты тоқтату келісімі 10 қазанда жергілікті уақыт бойынша сағат 12:00-де Мысырдағы келіссөздер барысында тараптар қол жеткізген келісімдерге сәйкес күшіне енді.
Израиль армиясы өз бөлімшелерін “сары сызық” деп аталатын аймаққа ішінара шығарудың аяқталғанын хабарлады.
Газа секторына күн сайын гуманитарлық жүк тиелген 600 жүк көлігі кіреді деп күтілуде.
Израильдің екі жылға созылған соққыларының салдарынан Газа секторындағы гуманитарлық дағдарыс апатты деңгейге жетті.
Айта кетейік, Газа секторындағы атысты тоқтату туралы келісімге бүгін, 13 қазанда Шарм-эль-Шейх қаласында қол қойылады. ХАМАС өкілдерінің бұл рәсімге қатыспайтынын мәлімдеді.



















