Иран Сыртқы істер министрі Аббас Арақчи Ресей Президенті Владимир Путинмен кездесу үшін Санкт-Петербургке келді.
Еуразия Тудейдің хабарлауы бойынша, Иран Сыртқы істер министрі Сейед Аббас Арақчи бүгін, дүйсенбі күні таңертең Президент Путинмен кездесу және келіссөз жүргізу мақсатында Санкт-Петербургке келді
Аббас Арақчи Telegram-арнасында Ресейге сапары барысында АҚШ және Израильмен арадағы шиеленістің даму барысын талқылайтынын мәлімдеді.
Министр Арақчи Иран мен Ресейдің аймақтық және халықаралық мәселелер бойынша әрдайым тығыз байланыста болғанын атап айтты.
Айта кетсек, Аббас Арақчи 25 сәуір күні Пәкістан астанасы Исламабадта маңызды кездесулер өткізді.
Сонымен қатар, Оман Сыртқы істер министрі Бадр әл-Бусаиди кеше, жексенбі күні Масқат қаласына келген Иран Сыртқы істер министрі Аббас Арақчимен өткен келіссөзді жоғары бағалады.
Министр әл-Бусаиди X әлеуметтік желісіндегі парақшасында: «Иран Сыртқы істер министрі Арақчимен Ормұз бұғазына қатысты пікірлестік. Бұғаз жағалауында орналасқан мемлекеттер ретінде біз халықаралық қауымдастық алдындағы ортақ жауапкершілігімізді сезінеміз. Сондай-ақ, тым ұзақ уақыт бойы ұсталып тұрған теңізшілердің еркін қозғалуына мүмкіндік берудің кезек күттірмейтін гуманитарлық қажеттілік екенін түсінеміз»,-деді.



















