Иран БРИКС елдері құрған Жаңа даму банкіне жуырда мүше болып кіреді.
Еуразия Тудейдің хабарлауы бойынша, бұл туралы Иран Орталық банкінің төрағасы Әбделнасер Һеммати сәрсенбі күні Үндістанда өтіп жатқан БРИКС саммитінде мәлімдеді.
Үндістанда өтіп жатқан БРИКС саммитінде сөз сөйлеген Әбделнасер Һеммати аталған елдің бірлестікке төрағалығына жоғары баға беріп, бұл қаржы институтын БРИКС аясындағы ынтымақтастықтың маңызды жетістіктерінің бірі ретінде атады.
Сондай-ақ, Әбделнасер Һеммати Иран мен Үндістан арасында ақша-кредит саясаты, банк ісі және цифрлық экономика салаларында сындарлы ынтымақтастық жолға қойылғанын баса айтты.
Иран Орталық банкінің төрағасы: «БРИКС саммиті Иранның қаржы-банк саласында тығыз әріптестік орнатқан мүше мемлекеттердің ресми өкілдерімен тілдесуге маңызды мүмкіндік туғызды», — деді.
Сонымен қатар, Һеммати Тегеранның БРИКС елдерімен өзара сауданы ұлттық валюталар арқылы жүзеге асыра алатынына сенім білдіріп, бірлестік мүшелерімен екіжақты және үшжақты валюталық ынтымақтастықты тереңдетуге ниетті екенін мәлімдеді.
Айта кетейік, БРИКС Жаңа даму банкін құру туралы келісімге 2014 жылы шілдеде Бразилияда бірлестік саммитінде қол қойылды. Жаңа даму банкінің штаб-пәтері Шанхайда орналасқан. Мұнда несиелер доллар үстемдігінен айналып өту мақсатында ұлттық валютамен беріледі.


















