Бүгін, 15 шілдеде Иран Сыртқы істер министрінің міндетін атқарушы Әли Бақери Нью-Йоркке ресми сапармен аттанды.
Еуразия Тудейдің ISNA агенттігіне сілтеме жасап хабарлауы бойынша, Иран Ислам Республикасы Сыртқы істер министрлігінің басшысы Әли Бақери Нью-Йоркте БҰҰ Қауіпсіздік кеңесінің Палестина мәселесіне арналған отырысқа және көпжақтылық саммитіне қатысады.
16-17 шілде күндері өтетін Нью-Йорктегі екі шараға Ресей СІМ басшысы Сергей Лавров төрағалық етеді.
16 шілде күнгі шарада әділ, демократиялық және тұрақты әлемдік тәртіпті қалыптастыру мүддесіндегі көпжақты ынтымақтастық тақырыбы талқыланады.
17 шілде күні Батыс Азиядағы жағдай, соның ішінде Палестина мәселесі бойынша пікірталастар өтеді.



















