Иранның діни жетекшісі аятолла Әли Хаменеи АҚШ әкімшілігімен келіссөз жүргізуді қисынсыз әрі лайықсыз деп атады.
Еуразия Тудейдің хабарлауы бойынша, Әли Хаменеи бұл туралы Иранның әскери-әуе және әуе қорғаныс күштерінің қолбасшыларымен кездесуінде мәлімдеді.
Кездесу 7 ақпан, жұма күні, 1979 жылы имам Хомейнидің алдында әскери қызметшілер тобы берген тарихи анттың мерейтойына орай өтті.
Иранның жоғарғы басшысы аятолла Әли Хаменеидің сөйлеген сөзінің негізгі мазмұны төмендегідей:
Келіссөздердің тиімсіздігі
Иранның жоғарғы басшысы АҚШ-пен келіссөздер мәселелерді шеше алмайтынын айтты. Ол америкалықтармен келіссөз жүргізу нақты мәселелерді шешуге көмектеседі деген аңызға сенбеуге шақырды.
Өткеннен сабақ алу
Хаменеи Иранның “Ортақ қадам” жан-жақты ядролық бағдарламасы бойынша жасалған келіссөздерді еске салып: “АҚШ өз міндеттемелерін орындамады және санкциялар күшінде қалды”, -деді.
Келіссөздерді қабылдауға болмайтындығы
Әли Хаменеи келісімдерді бұзып, өзін лайықсыз ұстайтын Үкіметпен келіссөз жүргізуге болмайтынын баса айтты. Сондай-ақ, ол АҚШ-тың қазіргі президентінің бұрын қол жеткізілген келісімдерді бұзғанын еске салды.
Ішкі мәселелер
Иранның жоғарғы басшысы ішкі мәселелердің барын да айтып, оларды шешуді жауапты органдардың күш-жігері мен халықтың бірлігімен байланыстырды.
Жақсаруға деген үміт
Әли Хаменеи қазіргі Үкімет азаматтардың алдында тұрған экономикалық қиындықтарды жеңілдете алады деген үміт білдірді.
Иранның жоғарғы басшысы сөзін қорытындылай келе, ішкі бірлік пен жауапкершіліктің маңыздылығын айтып, қиындықтарды жеңу үшін бірлік пен бірлескен күш-жігерге шақырды.

















