Әзірбайжан СІМ Ресейдің Бакудегі Елшісі Михаил Евдокимовты министрлікке шақырды.
Еуразия Тудейдің Әзірбайжан Сыртқы істер министрлігінің баспасөз қызметіне сілтеме жасап хабарлауы бойынша, Әзірбайжан Сыртқы істер министрінің орынбасары Араз Азимов екі ел арасындағы қарым-қатынасқа нұқсан келтіретін әрекеттер мен қадамдарға байланысты Ресей тарапына наразылық нотасын тапсырды.
Әзірбайжан СІМ хабарламасында: “Ресей Федерациясының Әзірбайжандағы Елшісі Михаил Евдокимов Сыртқы істер министрлігіне шақырылды.
Әзірбайжан Сыртқы істер министрінің орынбасары Араз Азимовпен кездесуде Елшіге Ресей тарапының екі ел арасындағы қарым-қатынасқа нұқсан келтіретін қадамдарына байланысты наразылық білдірілді”, — деп жазылған.
Мұның алдында Әзірбайжан Сыртқы істер министрлігі Ресейдің Бакудегі уақытша сенімді өкілі Петр Волоковыхты министрлікке шақырылды.
Айта кетейік, Бакудің наразылығы 27 маусым күні Ресей құқық қорғау органдары Екатеринбургте Әзірбайжан азаматтары тұратын бірнеше пәтерге рейд ұйымдастырып, салдарынан екі азаматының қаза болуынан кейін күшейді. Әзірбайжан билігі олар қастандықпен өлтірілді деп есептейді.



















