Түркия алғашқы ғарышкерін Халықаралық ғарыш станциясына 2024 жылдың 9 қаңтарында аттандырады.
Бұл туралы Түркияның Өнеркәсіп және технологиялар министрі Фатих Каджир хабарлады.
Осы мәлімет бойынша Түркияның тұңғыш ғарышкері Альпер Гезеравжы 2024 жылдың 9 қаңтарында Халықаралық Ғарыш станциясына аттанып, ғарышта болатын 14 күнде 13 ғылыми тәжірибе жүргізеді.
Түркияның Өнеркәсіп министрі ғарышкер Альпер Гезеравжының оқуын аяқтағанын, жақын арада ұшар алдында карантиннен өтетінін мәлімдеді.
Альпер Гезеравжы 1979 жылы Мерсин қаласында дүниеге келген.
Әуе күштері академиясында электроника инженериясы бойынша білім алған.
Ол Әуе күштері қолбасшылығында 21 жыл қызмет еткен уақытта үлкен жетістіктерге жеткен Түркияның ұшқышы.



















