Америка Құрама Штаттары Иранмен арадағы әскери қақтығыстан әлсіреп шығады.
Еуразия Тудейдің хабарлауы бойынша, мұндай пікірді Бразилия президентінің халықаралық мәселелер жөніндегі арнайы көмекшісі Селсу Аморим TV Brasil 247 порталына берген сұхбатында мәлімдеді.
Селсу Аморимның айтуы бойынша, Америка Құрама Штаттары қойылған мақсаттарына күткен мерзімде қол жеткізе алмағандықтан Иранмен арадағы әскери қақтығыстан әлсірейді.
Селсу Аморим: «Америка Құрама Штаттары сөзсіз, қақтығыстан әлсіреп шығады. Себебі өздері есептеген нәтижеге және өздері жоспарлаған мерзімде қол жеткізе алмады», — деді.
Аморимнің пікірінше, Вашингтон мен оның одақтастары Тегеранды тиісті деңгейде бағаламай, үлкен қателік жіберді. Олар қарқынды бомбалау мен ел басшылығының көзін жою мемлекеттің күйреуіне немесе заңды биліктің ауысуына әкеледі деп есептеген.
Аморим Иранның үш мың жылдық тарихы бар екенін еске салып, мұндай күрделі қоғам тез арада ыдырайды деп бәс тігу бос қиял екенін баса айтты.
Сонымен қатар, Селсу Аморим Америка Құрама Штаттары мен Израильдің іс-әрекеттері салдарынан дүниежүзілік соғыстың басталу қаупі бар екенін ескертті.
Аморим Америка Құрама Штаттарының Таяу Шығыстағы басқыншылық саясаты тұрақтылық әкелмегенін, керісінше, бұрынғы әлемдік тәртіптің түпкілікті күйреу үдерісін бастап бергенін айтты.

















