Түркіменстан астанасы Ашхабад қаласында 3-5 қараша аралығында Корея апталығы өтеді.
Аталмыш іс-шара аясында музыкалық концерт пен кинофестиваль өтеді деп күтілуде.
Корей музыканттар тобының концерті 3 қараша күні Махтумкули атындағы Түркіменстан музыкалық-драма театрында өтеді. Сахна төрінде корей музыкасы, соның ішінде танымал K-PОР әндері орындалады.
Ал 4 -5 қараша күндері «Ашхабад» кинотеатрында кинофестиваль өтеді.
Айта кетсек, былтырғы жылы 9 қарашада Ашхабадта Түркіменстанмен дипломатиялық қатынастардың орнағанына 30 жыл толуына орай Корея Республикасының мәдениет күндері өткен болатын.
Анықтама: Түркіменстан мен Корея Республикасы арасындағы дипломатиялық қатынастар 1992 жылы 7 ақпанда орнатылды. Түркіменстанның Корея Республикасындағы елшілігі Сеул қаласында 2013 жылы ашылды.
Ал Корея Республикасының Түркіменстандағы елшілігі Ашхабад қаласында 2007 жылы ашылды.



















