Ауғанстан СІМ Қырғызстанға тыйым салынған ұйымдар тізімінен «Талибан» қозғалысын шығарғаны үшін алғыс білдірген мәлімдеме жариялады.
Еуразия Тудейдің хабарлауы бойынша, мәлімдеме бейсенбі күні Ауғанстан Сыртқы істер министрлігінің ресми сайтында жарияланды.
Ауғанстан Сыртқы істер министрлігі Қырғызстанның басқа де елдер сияқты осындай шешім қабылдауы Ауғанстан Ислам Әмірлігінің аймақ және халықаралық деңгейде саяси танылуын көрсетеді және екіжақты қатынасты нығайту үшін кедергілерді жояды деп есептейді.
Бірнеше күн бұрын Қырғызстан Бас прокуратурасы Қырғызстан аумағында тыйым салынған ұйымдардың жаңартылған тізімін жариялады. «Талибан» қозғалысы жаңартылған тізімде болмады.
Қырғыз Республикасының СІМ мәліметінше, мұндай шешім осы елдің құзыретті мемлекеттік органдарының мұқият қарауынан және жан-жақты бағалауынан кейін қабылданған.
Бішкектің аудандық соты 2006 жылдың қыркүйек айында «Талибан» қозғалысын лаңкестік ұйым деп танып, қызметіне тыйым салған болатын.
Еске сала кетейік, 2023 жылдың желтоқсан айында Қазақстан да «Талибан» қозғалысын террористік ұйым тізімінен алып тастады.
«Талибан» қозғалысы 2021 жылдың тамыз айында Ауғанстанда билікке қайта келіп, әлемдік қауымдастық алдында өзін мойындатуға талпыныс жасауда.



















