Бүгін, сәуір айының 21 – парсының атақты шайыры Сағдиді еске алып, ұлықтайтын күн. Бұл туралы ақпарат торабының тілшісі хабарлады.
«Шираздық Сағди» деген атпен танымал Әбу Мұхаммед Мүсліхеддин Бен Абдолла – ХІІІ ғасырдағы парсы шайыры, жазушы.
Оның атақ-даңқы көбінесе теңдессіз поэзиясы мен әуезді, мықты прозасына қарыздар. Қалам иелері оны «Сөз зергері» деп атаған. Шайырдың әйгілі шығармаларының қатарына қара сөзбен жазылған «Гүлстан» еңбегі мен өлеңмен өрілген «Бустан» шығармасы және өлеңдер жинағы жатады. Осы үш шығарманы Сағдидің толық шығармалары деп атайды.
2002 жылдың сәуір айының 21 күні, һижра күн санағы бойынша 1381 жылы Иранның Сағдитану орталығы ордибеһешт айының бірін шайырдың «Гүлстан» кітабын жазуды бастағанына орай «Сағди» күні деп атады. 2010 жылдың сәуір айының 21 күні, һижра күнтізбесі бойынша 1389 жылдың сәуір айының 21 күні Иранда өткен халықаралық поэзия форумында шетелдік мәдени ұйымдар тарапынан да бұл күн Сағдиді еске алып, ұлықтайтын күн деп жарияланды.


















