3-4 мамырда Астанаға Қасым-Жомарт Тоқаевтың шақыруымен Тәжікстан Президенті Эмомали Рахмон мемлекеттік сапармен келеді. Осы күні Астанада бизнес форум өтеді.
Тәжікстанның Инвестициялар жөніндегі комитетінің хабарлауы бойынша шараға Тәжікстан мен Қазақстанның тиісті мемлекеттік құрылымдарының өкілдері, екі елдің өнеркәсіп, ауыл шаруашылығы, құрылыс, туризм, қызмет көрсету, логистика және фармацевтика салаларындағы кәсіпкерлері қатысады.
Ақорданың хабарлауынша екі ел басшылары шағын және кеңейтілген құрамда өтетін келіссөздер барысында Қазақстан мен Тәжікстан арасындағы стратегиялық серіктестікті одан әрі нығайту перспективаларын талқылайды.


















